長河有智慧 官員冇腦袋

阿茂冇嘢做，去睇「清明上河圖」，果真智慧的長河，藝術之瑰寶。睇完更想再看，可惜官家安排，欠缺智慧，令黃牛猖獗，「粉絲」走寶，老爺「解畫」，更加離譜。 呢個展覽，重現宋代汴京，繁榮盛世，表演手法，三維動畫，藝術高超，更顯中華，當今之盛。難怪成為，世博國館、鎮館之寶，各地展出，皆引哄動，讚嘆不絕，不論古今，皆顯耀出，龍的光輝。 阿茂雖無藝術細胞，睇到國寶，龍血沸騰，皆因也是，龍的傳人，一場既畢，意猶未盡，欲想再睇，可惜，門票早罄。 欲看一次，未能如願，返到香閨，打開電腦，希望上網，回味再睇，猛然發現，網上「黃牛」，「上河圖」票，肆意「炒」售，開價兩佰，討價還價，六十可轉手。 阿茂回想，展覽場外，唔少「粉絲」，好似阿茂，欲觀國寶，礙於冇票，美夢難圖，因何場外，黃牛亂走，國寶門券，高價兜售，主辦官家，點解唔留？寶貴門票，現場出售，杜絕黃牛。益「發燒友」？如此安排，確實「阿茂」！ 另一方面，主事老爺，被詢「黃牛」，竟然解畫，「黃牛」炒票，「商業行為」！「無法解救」？聽得阿茂，頭大如斗，若老爺「解畫」，算係「啱」嘅，咁又點解釋，碼頭炒船票，阿「蛇」拉「黃牛」？縱使「商業行為」，「黃牛」有注冊？亦交商業稅？ 另一方面，既屬「商業行為」，燒到員外衙門嗰瓣，員外老爺又打太極，冇人投訴，唔去解救，阿茂雖然係法盲，唔知皇榜係點寫，唔使問金牙大狀，亦都知道，已可拉人，真唔知點解，蓮花地老爺，雖然睇咁多，「智慧的長河」，烏紗內個腦，如此缺「智慧」，唔通真係，叫Ｄ老爺，買多幾張「黃牛」高價票，等佢心痛肉刺，多睇幾回，清明上河圖，補補個腦？ ‧阿茂‧