六大博企活化舊區有憂破壞？

賀：你哋唔好咁偏激

【本報訊】對於民間擔心博企的活化計劃將會破壞舊區，特首賀一誠表示，社會必然存在不同意見，有人認為是破壞，政府認為是活化，博企達到政府的要求。並稱：「佢（博企）唔係去拆。你哋唔可以咁偏激嚟講佢一入到去就拆，（之後）變咗金光大道。呢個係唔可能。」

六間博彩企業去年競投賭牌時，承諾拓展和加強非博彩元素。昨早，行政長官賀一誠回應傳媒時表示，過去九個月，博企遵守了承諾，近日已經介紹活化六個歷史片區的介紹。續稱：「佢哋做咗佢哋要做嘅嘢。」他也提出，博企在會展、演唱會等，亦都全力發展中。

「起碼，而家暫時嚟講，我哋對佢哋呢方面，大家都係合作，大家都係滿意。」賀一誠表示，滿意雙方的合作，因為博企增設與政府對口的跟進非博彩元素專業團隊，這是「好事」。他指出，每一個非博彩項目都在落實之中。政府認為，博企今年落實競投承諾，發展方向基本上是好的。

《論盡》記者提出關於活化歷史片區計劃，有人憂慮博企破壞舊區？賀一誠回應：「社會有唔同意見係必然。你就話破壞咗舊區，我哋認為係活化。」續提出，博企根本沒有破壞舊區。可能社會接受《論盡》的偏激用詞，所以認為博企破壞舊區。

「我唔係要求佢哋（博企）收購晒所有舊區嘅鋪位。」賀一誠提出，博企租用舊區所有鋪位，並不困難；但是，政府不是要求如此。政府要求博企引入經驗、概念，帶動舊區原有鋪位的持份者，或者引進新的中小微企，從而活化。他舉例，其中一間博企發放資金支撐年青人進入舊區。

「我唔希望舊區一路爛落去。如果我哋唔去搞，就必然會爛落去。」賀一誠表示，若不推進活化計劃，很多舊區缺乏維修，沒有人流就沒有發展。續稱：「博企喺呢方面（活化）係達到政府嘅要求。」

《論盡》記者再提出，如何確保所謂的活化不損舊區原有的風貌？賀一誠回應：「佢（博企）唔係去拆。你哋唔可以咁偏激來講佢一入到去就拆，（之後）變咗金光大道。呢個係唔可能。」續表示，政府已經規定那些歷史片區的建築必要保護，不可拆卸。

「政府同佢哋一齊喺度做，唔係放手畀咗佢哋去做。」賀一誠以近日打造大炮台花園成為特色夜間景區為例，政府和博企沒有任何破壞，只是加裝燈飾，這是「世遺景點」允許的。這可活化大炮台，與大三巴連成一體。續稱：「呢個完全冇破壞。所以，你哋唔可以咁偏激話佢哋係破壞。」