庸官劣吏‧嚇煞小民

蓮花地，奇聞經常起，定力稍差，嚇到吾傻，也易激死。「官差」做嘢，好似做戲，錯漏粗疏，嚇到亞婆，手騰腳震，呼天搶地，升斗蟻民，怨聲四起，搞到「尊者」，面對官民，也講「SORRY」。 話說蓮花地，近年開多唔少字花檔，搵到唔少銀両，達官、貴人，荷包腫脹，升斗蟻民，「刮沙難搵個銀」，成日咁嘈，嘈到屋都震，達官貴人，終發善心，撥啲銀両，講話保民餘生。 蓮花尊者，大筆一揮，擲下法令，由「棺材本」官府執行。這個差事，本來十拿九穩，可惜的是，「棺材本」公差，做事「沙沙滾」，官僚、武斷，方法「捉虫」，先置死地而後生，搞到唔少蟻民，阿公阿婆，驚到失魂，扶老攜弱，湧向官門，驚慌叩問，可笑的是，執事官吏，也似一「舊」雲，答非所問，似假若真，嚇到老人，更加手騰腳震，派銀公榜，原意安民，窩囊「衙差」，卻弄巧反拙，搞到人心不穩。 醒目時聞佬，搵個好機會，追問上層，問得「尊者」，面目無光，當眾失威，認真冇癮。這回真個是，下級「屈」上層，「死貓」監生吞。 蓮花「尊者」，信誓旦旦，展耀「陽光」，誰知忘記，北方大人，諄諄告誡，廉潔之外，尚要高效，如今廉潔未見效，「高效」即扣分，究其本原因，蓮花地官場，長期多「庸人」，實事少做好，最擅長做「騷」。官場不地震，陋習仍流行，奇聞怪事，仍將笑，嚇到失魂。 ‧阿茂‧