官場怪象可成書

繽紛蓮花地，經常上好「戲」。「篤數衙門」，又將「街坊衙門」D哀嘢揪出呢，「省」到貼地。篤出「衙門」醜惡本象。阿茂睇到大嘆之餘，靈機一觸，如果有心人，將蓮花官場嘅離奇怪象，輯成書冊，創製電影、視、書刋，則大司長嘅一番好意，創意產業，將可攞盡，世界大奬。 篤數衙門，日前又篤出，街坊衙門，護樹綠化，好多假象，好似護樹小組，其實無乜嘢做，阿頭已經轉咗飯鑊，甚至個「檔口」已經執咗等，重對外話，用千里筒，睇緊未來，要做D乜嘢，擺明係呃鬼食豆腐。篤數衙門懷疑佢哋係「大口仔」，要佢做D證據出黎，街坊衙門交出嚟嘅「檔案」。唔單止係「整過容」，甚至係COPY，更離譜到索性話唔見咗，兒嬉夾離奇，簡直當全世界人係白痴。 當然，弄虛作假，指鹿為馬，係官場嘅慣技。係呢個年頭，更加係蓮花地做官嘅「基本功」。官不論大細　如果唔耍花招，頂烏紗都幾難戴得穩，做假功力，吾夠深厚，件官袍隻「雀仔」，想變大D都幾難。 由此之故，官場戲台，弄虛作假，自吹自擂，官「升」，數字，達到數字「升官」，製造「政績」，各種鬧劇、醜劇、奇聞、怪事、層出不窮，天花亂墜，睇到蟻民，目瞪口呆，當官家的，便可達到，少做實事，多撈利益，升官發財，最終目的。 卻可惜，蓮花公差，每喜享受，常嘆「奶茶菠蘿油」，四體倦勤，腦少轉動，眼高手低，欲演「好」戲，每每出拙，生副產品，笑料奇多，阿茂忽想起，教，文大司長，曾欲展宏圖，著重發展，創意產業。人們暗問，題材若何?阿茂甚喜，急功近利，若將蓮花官，歷年出鬧劇，共冶一爐，匯編成冊。影、視齊推，箇中精彩，「蓮花地獨有」創業產業，必然「大收」，這一「妙」計，既可利用，本地之「材」，亦可推動「產業」之功，國際名揚，各項大獎，乜乜奧斯卡，物物金棕奬，甚至諾貝爾，奪金美夢，蓮花寶地，或可一嚐。 綜上所述，對於官場，奇怪現象，不宜「過」責，更應「嘉賞」，篤數衙門，對待同僚，可能「冤枉」!? 阿茂